'Tyfu a Dysgu Gyda'n Gilydd'

Croeso i chwi i dudalennau gwefan Ysgol Rhydypennau, Bow Street.

Lleolir Ysgol Rhydypennau ym mhentref Bow Street, rhyw bedair milltir i’r gogledd o Aberystwyth ar y brif ffordd sy’n arwain i Fachynlleth. Agorwyd  adeilad yr ysgol newydd yn 1973. Ac fe agorwyd estyniad newydd i'r Meithrin a'r Derbyn yn Nhachwedd 2009

Apwyntiwyd y pennaeth a’r dirprwy bennaeth ym mis Medi 2002.   Ar hyn o bryd mae 185 o ddisgyblion ar y gofrestr.

Dynodir yr ysgol yn Gategori A. Golyga hyn mai’r Gymraeg yw’r prif gyfrwng ym mywyd a gwaith yr ysgol ond anelir at sicrhau bod y disgyblion yn gwbl ddwyieithog erbyn iddynt drosglwyddo i’r sector uwchradd.

Mae’r ysgol yn anelu at, "Dyfu a dysgu gyda’n gilydd ac i ddatblygu pob unigolyn i’w lawn botensial mewn amgylchedd hapus a Chymreig.”

Ymfalchiwn yn safonau cyrhaeddiad uchel yr ysgol, ac mae’r ystod eang o weithgareddau allgyrsiol hefyd yn bwysig inni, gyda disgyblion yn profi llwyddiant mewn amrywiol feysydd o Eisteddfodau’r Urdd i fyd chwaraeon.